Meerisyadan oo ka mid ahaa masafo dheer waxaa tiriyay, ALLAH ha u naxariistee Xaaji Cali C/Raxmaan Fiqi oo noolaa bartamihii qarnigii 18aad ilaa 1850-52 oo uu Marka ku xijaabtay.
Wuxuu ahaa caalim diinta faafiya wuxuuna joogi jiray Xijaaz (Sacuudiga) iyo India oo uu ka dhisay masjid ilaa hadda la yaqaan.
Dooxada Nugaaleed ayuu muddo xer badan Diinta ku bari jiray ilaa uu markii dambe u soo wareegay xeebaha Banaadir.
Xogta Sheekha iyo meerisyada jiiftadan uu tiriyayba waxan ka soo guuriyay Barnaamijka Fanka iyo Suugaanta ee uu Axmed Faarax Cali #IDAAJAA u qabtay laanta Af Soomaaliga ee VOA.
Wuxuu, Rabbi ha u naxariistee, sheekhu yiri:
-----
Jiin yeen, jabow aadmi
Ma jalbeebanaysaa
Jid xun baad ku
soctaaye
Jiscin maw helaysaa
Jeesjees miyaa ku
habban
Nin asaaggi jiifsaday
Jaankaaga wax fuuli
Jid siraad ma moog
tahay
Ninna jaamo uma tolan
Joombiyad na ka af badn
Jileeciisu waa sida tin
Jaahiisna uma kaco
Ninkaan jiirta laga
saarin
Duul Jahannamaad noqoy
An la iima jilib dhigo
iyo
Jina-tuurku waa been
Muslim waysku wada
jooge
Jinni yuusan kuu talin
Nafta waad jeclaydeen e
Jarka hayska xoorina
Jahannamiyo ololkeeda
Ma nin jiir u laa jira
Waa taad u wada jeedday
Ragga jowhartiisii
Maxaa niman jammaamiir
ah
Jeexa looga soo kacay
Malaggii jujuubahayay
Ad ma joojinaysaa
Jeer-dhaafki Nabi
waayay
Ma jeclaysanaysaa
Qabrigiina kuu jeexan
Loxodkiina kuu jaran
Jiirkaaga dixiraa leh
Meelaha jinaadkaa
Lafta joofa baa hari
Saantaada jilifta ah
Jeer hore waxaad
falatay
Jildigaa ku marag kici
Warqad beri ba lagu
jiiday
Jeebkaa laguu gelin
Wax adduunki lala
joogay
Ma jikaartan baa jira
In qiyaame jiri doono
Ninna yuusan jaaxidin
Jimcahaa dadkuu maraga
Jinnigiyo wannaaskaba
Jalaalaynku wuxu
sheegay
Ma ku jaaxidaynaa
An juujaa u dhiman maayo
Aan wax ba iiga juusayn
Adna waano uma jeeddo
Anna waaban jiijaday
Haddii aadan jaqahayn
Hadalkayga jowhara
Jinnigii isha caddaa
iyo
Jafariinle kuu tali
----
