Nolosha ma jiro qof ku waara xaalad gaar ah oo ALLAH ayaa rogroga.
Qofka awoodda ama xoogga leh oo madax ah ama hanti haystaa abidkii sidaa iska sii ahaan maayo midka daciifka ahina maalin ayuu heer fiican gaaraa.
Midka xanuunsani mar buu ka kacaa halka qof iska fiyoobaa ay tii ALLE u timaad si kadis ah.
------
Ruuxa maalmo taliyee
Sanka taaga waayo ba
Mar buu tabar darreeyaa
Taagooluhuna beri buu
Eebbaha Tawaabka ah
Taageero ka helaa
Oo loo xiraa taash (taaj)
Ruuxa taah la reemaa
Mar bey towstu daysaa
Mid aan talal lahayn oo
Taagnaa aroortina
Tacsi loo dhigaa galab
Taxanaha ayaamuhu
Talantaalli weeyaan
Waana talo Ilaahey
-----
Jaalle Indhageelle 20171213
