Rag sooc ah oo ku hubaysan waran, fallaar, tooreey imw ayaa beri loo diray inay soo dilaan libaax deegaankooda dhib ku hayay oo dad iyo duunyoba galaaftay.
Way raadiyeen aakhirkiina way heleen. Sida la fili karo raggii badi way baqeen markii ay libaaxa indhaha ka qaadeen. Ha yeeshee geesi guutadi ka mid ahaa ayaa libaaxii u bareeray oo dhowr jeer waran iyo ableyba la helay. Wiilkii laftiisana dhaawac xun baa gaaray.
Libaaxii iyo inankii oo isku ag dhacay ayay raggii geedaha gadaashooda ku dhuuntayi mar qur ah mud soo dhaheen dabadeed libaaxii oon tabar hayn oo naflacaari ah ayay mayd-dileeyeen.
Intaa ka dib, guutadi waxay reerihi ku laabteen iyaga oo sida wiilki oo dhaawac ah iyo madaxii libaaxa (madaxa oo la keeno waxay caddeyn u tahay in asuudki la dilay).
Oday malaha duullaanka u da' waynaa oo sidi howlgalku u dhacay bulashadii warbixin ka siinaya ayaa ayiri "Halkaas iyo halkeer baannu ka raadinnay....oo halkaa iyo halkaa baan sii marnay....barqadii isaga oo geed jiifa ayaannu helnay oo kolkaa warmaha halgaad uga dhignay....."
Odaygii oo halkaa sheekadii marinaya ayaa inan raggii ka mid ahaa qaadan waayay sida uu odaygu u libin-xasdayo wiilkii aarka dilay. Inta uu is hayn waayay buu yiri " Adeer, bahalka nin baa dilay una dilan ee ma la halakaysanayaa...!?"
Dhab ama sheeko-xariiro tey doonto ha ahaato ee, dulucda sheekadu waa in LIBINTA LOO QUURO RUUXA LEH ee aan la halakaysan!
LIBIN NINKEED BAA LEH
ReplyDeleteRag sooc ah oo ku hubaysan waran, fallaar, tooreey imw ayaa beri loo diray inay soo dilaan libaax deegaankooda dhib ku hayay oo dad iyo duunyoba galaaftay.